Bıyl Aqmola oblysynda 17 baǵyttaǵy avtojolda jóndeý júrgiziledi
KÓKShETAÝ. QazAqparat – Bıyl Aqmola oblysynda respýblıkalyq jáne jergilikti avtomobıl joldaryn jaqsartý baǵytynda aýqymdy jumystar júrgiziledi, dep habarlaıdy QazAqparat.
QR Indýstrııa jáne ınfraqurylymdyq damý mınıstrliginen málim etkendeı, óńirde qurylys, rekonstrýktsııa, kúrdeli jáne ortasha jóndeý jumystary josparlanyp otyr.
Atap aıtsaq:
«Ekaterınbýrg – Almaty» avtojolynyń 1231-1247 shaqyrymynda avtomattandyrylǵan ólsheý qondyrǵylaryn ornatý jáne jobalaý-smetalyq qujattama ázirleý kózdelgen;
«RF shekarasy (Ekaterınbýrgke) – Almaty» avtojolynyń 856-913 shaqyrymyndaǵy ýchaskesi kúrdeli jóndeýden ótedi;
«Jaqsy – Esil – Buzýlyq» tasjolynyń 80+900 shaqyrymyndaǵy kópirge kúrdeli jóndeý júrgizý úshin jobalaý-smetalyq qujattama ázirlenedi;
«RF shekarasy (Ekaterınbýrgke) – Almaty, Qostanaı, Nur-Sultan, Qaraǵandy qalalary arqyly» 930-960 shaqyrymynda ortasha jóndeý jasalady;
«Nur-Sultan – Petropavl» avtojolynyń Shortańdy aýyly janyndaǵy ótpejolǵa ortasha jóndeý júrgiziledi.
Sonymen birge, oblystyq joldarda 3 kópir salý josparlanyp otyr. Máselen, «Atbasar – Sochınsk», «Esil – Svobodnoe – Razdolnoe jáne Zerendi aýdany Sadovoı aýyldyq okrýginiń Zarechnoe aýylynda turǵyzylmaq.
Budan bólek, qurylys kompanııalarymen ortasha jóndeý jumystary kelesideı avtojoldarda júrgiziledi:
«Ekaterınbýrg-Almaty» – Túrgen – Konstantınovka – Beloıarka» 0-67 km;
«Jańa Qalqutan – Aqkól – Azat – Mınsk» 55 - 104 km;
«Atbasar – Qıma» - «Jaqsy – Derjavınsk» 9 - 51 km;
«Jaqsy – Derjavınsk» 101,5 – 140 km;
«Zerendi - Qyzyl Kordon – oblys shekarasy» 5,1 - 41, 3 km;
«Buzýlýq – Almaty» 0 - 38,5 km.
Aıta keteıik, Aqmola oblysynda avtomobıl joldarynyń jalpy uzyndyǵy 7940 shaqyrymdy quraıdy. Onyń 2314 km – respýblıkalyq, 5626 km – jergilikti jeli.
