Bıyl Aqmola oblysynda 148 shaqyrym jol jóndeledi
KÓKShETAÝ. QazAqparat - Bıyl Aqmola oblysynda 148 shaqyrym jol jóndeledi, dep habarlaıdy QazAqparat «QazAvtoJol» kompanııasyna silteme jasap.
Aqmola oblysyndaǵy avtojoldardy ortasha jóndeý jumystary 10 ýchaskege bólingen. Jalpy uzyndyǵy 148 shaqyrym avtojolda 2 jol ótpesi, 2 sý ótkizgish qubyr jáne 2 baǵdarsham ornatylady.
Kompanııasynyń málimetinshe, búginde tegisteýshi qabatty tóseý, sý ótkizgish qubyrlardy ornatý, jol jıegin bekitý men jol belgilerin ornatý jumystary birneshe ýchaskede júrgizilip jatyr. «Kókshetaý - Atbasar» 102-158 km, «Kókshetaý-Rýzaevka» 20-40 km, «Makınsk-Aqsý-Torǵaı» 0,95-22,95 km, «Makınsk-Aqsý-Torǵaı» 203-214, 220-221 km, «Nur-Sultan- Ereımentaý-Shıderti» 130-162 km, «Nur-Sultan q. aınalyp ótý» 9-22,9 km, «Nur-Sultan - Petropavlovsk-Býrabaı» 10-21 km, «Nur-Sultan q. aınalyp ótý» 46,2-52 km, M-36 «(Ekaterınbýrg) - Almaty» 1 232-1 246 km.
Jospar boıynsha, osy maýsymda jolshylar «Kókshetaý qalasyn aınalyp ótý» 15 km men «Kókshetaý-Rýzaevka» 9 km ornalasqan 2 jol ótpesin jóndeıdi.
«Nysanda ótpeli plıta, tosqaýyl qorshaý, deformatsııalyq jikter aýystyrylyp, jol ótpesimen túıisetin jol jabynyndaǵy kemshilikter joıylady. Qazirgi tańda jol ótpesin ortasha jóndeý jumystarynyń 60% aıaqtalǵan», delingen habarlamada.
Infraqurylymdy damytýdyń «Nurly jol» memlekettik baǵdarlamasy aıasyndaǵy barlyq jóndeý jumystary tolyq jáne ýaqytyly júzege asyrylýda.
