Bıyl Aqmola oblysynda 115,5 shaqyrym joldy jóndeý josparlanǵan
Memleket basshysy Nursultan Nazarbaev óziniń bıylǵy «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýynda kólik-logıstıka ınfraqurylymynyń tıimdiligin arttyrý týraly tapsyrma bergen bolatyn. Búgingi tańda bul mindetterdi júzege asyrý jolynda Aqmola oblysynda da birqatar sharalar qarastyrylǵan.
Aktıvte baıandama jasaǵan aımaq basshysy Məlik Myrzalın Joldaýdyń tórtinshi baǵyty boıynsha oblysta kóliktik logıstıka jáne logıstıkalyq ınfraqurylymdy damytý máselesine erekshe toqtalyp ótti.
«Bizge kóliktik logıstıka jáne logıstıkalyq ınfraqurylymdy odan ári jetildirý qajet. Atalmysh baǵytta Şýchınsk-Býrabaı kýrorttyq aımaǵy jáne Astana mańyndaǵy eldi mekenderdi, oblystyń kóliktik-logıstıkalyq júıesin damytýǵa qatysty prespektıvalarymyzdy qarastyrýymyz qajet.
Sonymen qatar, «Nurly jol» baǵdarlamasyn júzege asyrý sheńberinde oblysta «Ortalyq-Ońtústik», «Ortalyq-Shyǵys» baǵyttary boıynsha qurylys-montajdaý, «Şýchınsk-Zerendi» jolyn qalpyna keltirý, «Astana-Petropavl» avtojolynyń ýchaskesin jóndeý boıynsha jumystar jalǵasady.
2017 jyly quny 9,6 mıllıard teńgege uzyndyǵy 220 shaqyrymnan astam jergilikti maqsattaǵy avtojoldarǵa kúrdeli, orta jáne aǵymdaǵy jóndeý jumystary júrgizildi. 2018 jyly bul baǵyttaǵy jumystar odan ári jalǵasatyn bolady (6,5 mıllıard teńgege 115,5 shaqyrym joldy jóndeý josparlanǵan)», - dedi oblys ákimi.
