Bıyl Aqmola oblysynda 100 myńnan astam bala jazǵy lagerde demalady
KÓKShETAÝ. QazAqparat- Bıyl Aqmola oblysynda 100 myńnan astam bala jazǵy lagerde demalatyn bolady, dep habarlaıdy «QazAqparat» HAA tilshisi.
Aqmola oblystyq bilim basqarmasynyń məlimeti boıynsha, bıylǵy jyly oblysta birinshi synyptan onynshy synypqa deıin oqyp, bilim alyp jatqan 110 480 oqýshy bar. Kúni buryn ekshelip, aýdandyq, qalalyq bilim bólimderiniń jasaǵan josparlaryna sáıkes, balalardyń jazǵy demalysy kezinde 107 228 oqýshyny qamtý kózdelip otyr. Ótken jylmen salystyrǵanda, azdaǵan, 0,7 paıyz ósim bar. Al, eńbekke baýlý isimen 93 900 oqýshy qamtylmaq.
Osynsha oqýshyǵa jazǵy demalystary kezinde 17 qala syrtyndaǵy balalardy saýyqtyrý ortalyqtary qyzmet kórsetedi.
Bıyl 20 bala «Bóbek» saýyqtyrý ortalyǵynda densaýlyqtaryn nyǵaıtady, 85 oqýshy Býrabaı baýraıyndaǵy respýblıkalyq oqý-saýyqtyrý ortalyǵynda kezekpen demalady. Jetpiske jýyq oqýshy Qapshaǵaı qalasyndaǵy saýyqtyrý ortalyqtaryna barmaqshy.
Ústimizdegi jyly ekologııa, jas ormanshy tárizdi lagerlerde 93 900 oqýshyny qamtý josparlanǵan. Onyń ústine balalardyń jazǵy demalysy kezinde árqıly úıirmeler men 98 aýla klýby jumys isteıdi. Oǵan qosa, «Jas ulan», «Jas qyran», olımpıada rezervteri mektepteriniń jazǵy demalys lagerleri, 314 til úıretetin lagerler jumys isteıdi.
«Týǵan jer» baǵdarlamasy boıynsha «Uly dala eli» ekspedıtsııasy uıymdastyrylmaq
