Bıyl Aqmola oblysynda 1,4 mln jolaýshy tasymaldandy
KÓKShETAÝ. QazAqparat – Aqmola oblysynda bıylǵy jyldyń on aıynda 1 mıllıon 444 myń jolaýshy tasymaldandy, dep habarlaıdy QazAqparat tilshisi.
Aqmola oblystyq jolaýshylar kóligi jáne avtomobıl joldary basqarmasynyń málimeti boıynsha, jolaýshylar tasymaly turaqty 212 baǵytta júzege asyrylady. Onyń ishinde 63 qalaishilik, 31 qala syrtynda, 59 oblysishilik, 33 aýdanishilik, 19 oblys aralyq jáne 7 halyqaralyq baǵytta.
Oblys turǵyndarynyń qatynaýyna Kókshetaý, Stepnogorsk jáne Şýche qalasyndaǵy 3 avtobýs vokzaly men Atbasar jáne Makınsk qalasyndaǵy avtostansalary qyzmet kórsetedi. Sonymen qatar, Aqkól, Stepnıak, Esil jáne Ereımentaý qalalary men Jaqsy jáne Astarhan aýyldarynda jolaýshylarǵa qyzmet kórsetetin 6 pýnkti bar. Osyndaı jańa pýnkt aǵymdaǵy jyly Balqashın aýylynda ashyldy. Bıylǵy jyldyń sońyna deıin jańa pýnkter Býrabaı kenti men Qorǵaljyn aýylynda ashý josparlanǵan.
Oblys boıynsha qalalyq avtobýs baǵyttarynda turǵyndardyń qoǵamdyq kólikte júrýaqysynyń qoljetimdiligine de erekshe kóńil bólinýde. Onyń quny 60-100 teńge aralyǵynda. Al, turaqty qatynaıtyn oblysaralyq, aýdanaralyq baǵyttarda jolaqysy 1 jolaýshyǵa/km 6,5-dan 10 teńgege deıin. 2015-2019 jyldarǵa arnalǵan «Nurly jol» baǵdarlamasy sheńberinde ınfrqurylymdy damytý membaǵdarlamasy boıynsha bıyl eki eldi-meken avtobýs baılanysymen qamtamasyz etildi.
«2019 jyldyń basynan beri 499 eldi-mekenniń 100 astam turǵyny bar 438-i (88,6 paıyzy) jolaýshylar avtokólik baılanysymen qamtamasyz etildi. Búgingi kúni Aqmola oblysynda kúndelikti 750 birlik avtobýs pen shaǵyn avtobýs jolaýshylar tasymalymen aınalysady. Onyń 614-niń paıdalaný merzimi 7 jyldan asqan», -deıdi vedomvstvodan.
Sonymen qatar, bıylǵy jyly elektrondy bılet berý júzege asyryldy. Ony Kókshetaý qalasynda «KoksheBusTolem» JShS júzege asyrady. Jolaýshylar qyzmet kórsetý sapasyn arttyrý maqsatynda «Kókshetaý avtobýs parki» JShS elimizde qurastyrylatyn «YUTONG» markaly 44 jańa avtobýs satyp aldy.
Budan bólek, Aqmola oblysy ortalyǵynda áýe qatynasy da durys jolǵa qoıylǵan. Bıylǵy jyldyń basynan beri Kókshetaý áýejaıynan 9 677 jolaýshy ushqan. Bul ótken jyldyń sáıkes kezeńimen salystyrǵanda 5 paıyzǵa kóp. Áýe ushaqtardyń ushý kórsetkishi 303 nemese ótken jylmen salystyrǵanda 37 ret kóp ushqan.
