Bıyl Agroónerkásiptik keshendi damytý jónindegi ulttyq joba qabyldanady – Úkimet basshysy
«Bıyl Agroónerkásiptik keshendi damytý jónindegi ulttyq joba qabyldanatyn bolady. Oǵan búgin aıtylǵan mindetter men olardy iske asyrý sharalardy engizý kerek. Bul rette shoǵyrlandyrylǵan usynystardy ázirleý úshin osy jobany aýyl sharýashylyǵy sýbektilerimen talqylaýdy ótkizý qajet. Aýyl sharýashylyǵy mınıstrligine atalǵan jumysty bıylǵy jyly naýryz aıynyń sońyna deıin aıaqtaýdy jáne Úkimette Ulttyq joba tujyrym-damasynyń tanystyrylymyn ótkizýdi tapsyramyn», - dedi Úkimet basshysy.
Osy rette Premer-Mınıstr qoıylǵan maqsattardy tıimdi iske asyrý bilikti kadrlardyń bolýyn talap etetindigin basa aıtty.
«Salada, ásirese veterınarııalyq-fıtosanıtarııalyq qyzmetterde mamandar tapshy, muny tájirıbe kórsetip otyr. Aýyl sharýashylyǵy mınıstrligine Bilim mınıstrligimen birlesip, agrarlyq ǵylym men bilimdi damytý jónindegi baǵdarlamany ázirleý, agrarlyq joǵary oqý oryndaryndarynyń túlekterin jumysqa ornalastyrý, sondaı-aq agroónerkásiptik keshen jumyskerleriniń kásibı biliktiligi damytý boıynsha usynystar engizýdi tapsyramyn», - dedi Asqar Mamın.