Bıyl agroónerkásip kesheninde 291 joba iske asyrlady
«Mal sharýashylyǵynda selektsııalyq jáne asyldandyrý jumystaryn yntalandyrý, tuqymyn túrlendirý, sonymen qatar molyqtyrýdyń zamanaýı tehnologııasyn qoldaný esebinen asyl tuqymdy mal basy úlesin 15 paıyzǵa deıin arttyrý is-sharalary júrgizilip jatyr. Іri taýarlyq ónerkásiptik óndiristi damytý, Ónerkásiptik kásiporyndar qýaty júktemesin arttyrý úshin jaǵdaı jasalýda. Bul óz kezeginde aýyl sharýashylyǵy ónimderi óndirisiniń yrǵaqtylyǵy men standartty sapasyn qamtamasyz etetin bolady», - dedi Premer-Mınıstr jaýabynda.
Álıhan Smaıylovtyń aıtýynsha, agroónerkásip kesheni salasynda ınvestıtsııalyq jobalar da júzege asyrylyp jatyr. 2022-2026 jyldarǵa arnalǵan agroónerkásip keshenindegi ınvestıtsııalyq jobalard júzege asyrý jol kartasy bekitilgen.
«2,8 trln teńgege 967 ınvestıtsııalyq jobany paıdalanýǵa berý josparlanǵan. Bıyl 536 mlrd teńgege 291 joba júzege asyrý josparlanǵan 6,6 myń jumys orny qurylady», - dedi Úkimet basshysy.