Bıyl adamdar kóp shoǵyrlanǵan oryndarda avtomatty defıbrıllıatorlar ornatylady
QR Densaýlyq saqtaý jáne áleýmettik damý mınıstrliginiń málimetinshe, jalpyǵa qoljetimdi defıbrıllıatsııa jónindegi joba adamdar kóp shoǵyrlanǵan oryndarda (áýejaılar, vokzaldar, saýda oıyn-saýyq ortalyqtary, bıznes ortalyqtar, ákimshilik ǵımarattar, sporttyq nysandar, oqý oryndary) avtomatty syrtqy defıbrıllıatorlardy ornatýdy, sondaı-aq medıtsınalyq bilimi joq tulǵalarǵa júrek-ókpe reanımatsııasy men avtomatty defıbrıllıatsııa daǵdylaryna úıretýdi kózdeıdi.
«Aq Júrek» qoǵamdyq qorynyń ókilderi adamdar kóp shoǵyrlanǵan oryndarda avtomatty defıbrıllıatorlardy osy jyly-aq, áleýmettik-baǵdarlanǵan bıznes-qurylymdardyń qarajaty esebinen ornatýdy bastaýdy usynyp otyr. Konferentsııanyń jumysy barysynda sondaı-aq, barlyq óńirlerde ótkizilgen qan aınalysy júıesiniń syrqattanýshylyǵynan bolatyn ólim-jitimdi tómendetý boıynsha is-sharalar nátıjeleri talqylandy.
Júrek-qan tamyrlary aýrýlarynyń ólim-jitim sebebiniń qurylymynda kóshbasshy orynda turǵandyǵyn atap ótý kerek. Erte dıagnostıka jáne adekvatty emdeý kezindegi ınnovatsııalyq tásilderdiń qajettiligi únemi ósýde. «Salamatty Qazaqstan» memlekettik baǵdarlamasynda kózdelgen sharalar kardıologııadaǵy shuǵyl jaǵdaılar kezindegi medıtsınalyq járdemdi jetildirý boıynsha is-sharalardy rettilikpen iske asyrý, qan aınalysy júıesiniń aýrýlarynan bolatyn ólim-jitimdi tómendetýge, múgedektikti tómendetýge, Qazaqstan halqynyń ómiriniń sapasyn jáne uzaqtyǵyn kóterýge múmkindik beredi.
Іs-sharaǵa QR DSÁDM-iń, qoǵamdyq uıymdardyń ókilderi, jedel kardıologııa, kardıohırrýgııa jáne kardıoreanımatologııa salasyndaǵy jetekshi sheteldik mamandar, qan aınalysy júıesiniń syrqattanýshylyǵy jónindegi óńirlik úılestirýshileri, oblystyq bas kardıologtar, ınterventsııalyq kardıologtar, kardıohırýrgtar, kardıoreanımatologtar, sanıtarlyq avıatsııa úılestirýshileri, sondaı-aq, jedel jáne shuǵyl medıtsınalyq járdem qyzmetinde jumys isteıtin mamandar qatysty.