Bıyl Abaıdyń «Qara sózderine» negizdelgen derekti fılm kórermenge jol tartady

NUR-SULTAN. QazAqparat - Bıyl Abaıdyń «Qara sózderine» negizdelgen derekti fılm kórermenge jol tartady. Bul týraly Ortalyq kommýnıkatsııalar qyzmeti alańynda ótken brıfıngide QR Mádenıet jáne sport mınıstri Aqtoty Raıymqulova aıtty, dep habarlaıdy QazAqparat tilshisi.

«Ózderińiz bilesizder, jyl saıyn stsenarııler konkýrsy ótkiziledi. Bıyl da stsenarııler konkýrsy ótip, túrli janrdaǵy, uzaqtyǵy ártúrli fılmder, derekti fılmder, qysqametrajdy fılmderge qatysty birneshe joba usynyldy. Búgingi kúni Abaıdyń «Qara sózderine» negizdelgen derekti fılm jobasy iriktep alynyp, qoldaý bildirildi. Ol sapaly joba bolatyndyǵyna senim artamyz», - dedi mınıstr BAQ ókilderiniń saýalyna oraı.

Onyń aıtýynsha, bıylǵy jyldyń ekinshi jartyjyldyǵynda atalǵan fılmniń premerasyn tamashalaımyz.