Bıyl 928 eldi meken 3G jáne 4G Internet jelilerimen qamtamasyz etiledi
«Qazirgi álemde adamdar negizinen mobıldi qurylǵylardy paıdalanady jáne osy sátte Qazaqstanda 34 mıllıonǵa jýyq mobıldi qurylǵy tirkelgen. Onyń ishinde Internetke qosylǵan smartfondardy belsendi paıdalanatyn 14,9 mln uıaly baılanys qurylǵysyn paıdalanatyn abonettik belsendi paıdalanýshy bar. Olar tsıfrlyq álemde turyp jatyr. Osyǵan baılanysty mınıstrlik ákimdiktermen birge 13 aqpan kúni memorandýmǵa, odan keıin ákimdikter kelisken jospar kestege qol qoıdy. Atalǵan jospar kestede aýyldyq jerlerde mobıldi Internetti damytý jumystary belgilengen», - dedi vıtse-mınıstr.
Onyń atap ótýinshe, osy jyldyń sońyna deıin 250-den astam turǵyny bar 928 eldi meken jyldamdyǵy joǵary 3G jáne 4G Internet jelilerimen qamtamasyz etiledi.
«Sonymen qatar Qazaqstan qosylý jyldamdyǵy 100 mBıt/sekýndpen Internet qyzmetine arnalǵan eń tómengi tarıf boıynsha álemniń 5 eliniń qataryna kiretindigin atap ótken oryndy», - dedi Daryn Tuıaqov.
