Bıyl 90 ınjenerlik-pedagogıkalyq kadr biliktiligin arttyrady
«Búgingi kúni jańa tehnologııalardy eskere otyryp, jabdyqtaý úshin 57 zerthana men oqytý sheberhanalary anyqtalǵan. Bul jyl saıyn 200 mln. teńgeni qajet etedi. 10 kolledjdiń kadrlyq sapasyn, áleýetin nyǵaıtý úshin sharalar qoldanylady. Sondyqtan bıylǵy jyly zamanaýı jáne jańa oqý tehnologııalarymen 90 ınjenerlik-pedagogıkalyq kadrlar biliktiligin arttyrady»,- dedi vıtse-mınıstr.
Onyń atap ótýinshe, joǵary oqý orny salasynda 24 jańa bilim berý baǵdarlamasy ázirlenýde. Bazalyq joǵary oqý oryndarynda 24 jańa zerthana qurý josparlanýda.
«Jańa bilim berý baǵdarlamalary sheteldik áriptes joǵary oqý ornyn tartý arqyly ázirlenip, Qazaqstandy ındýstrııalandyrýdyń 2015-2019 jyldarǵa arnalǵan respýblıkalyq jáne óńirlik kartasyna saı daıyndalǵan. Sol karta boıynsha 2015-2017 jyldarǵa bilim berý baǵdarlamalaryn ázerleýge ár jyl saıyn 962,1 mln. teńge somasynda bıýdjettik qarajat qarastyrylǵan», - dedi ol.
