Bıyl 81 mıllıon tonna munaı óndiriledi
ASTANA. 16 aqpan. QazAqparat /Rýslan Ǵabbasov/ - Munaı óndirý kólemi 81 mln. tonna deńgeıinde saqtalady.
Bul týraly búgin bıylǵy jylǵa arnalǵan makroekonomıkalyq kórsetkishter boljamyn naqtylaý týraly Úkimet otyrysynda Ekonomıkalyq damý jáne saýda mınıstri Janar Aıtjanova málim etti.
Mınıstrdiń sózine qaraǵanda, qurylys salasyndaǵy naqty mándegi jumystar kólemi budan buryn boljanǵan baǵalaý boıynsha 2010 jyldyń deńgeıinde saqtalady. «Naqty sektordaǵy boljanyp otyrǵan joǵary ósim aıasynda qyzmet salasy boıynsha boljam tutastaı alǵanda 2,3 paıyzdy tarmaqqa ósip, 5,5 paıyzǵa deıin ulǵaıý jaǵyna qaraı túzetildi»,-dedi J. Aıtjanova.
Naqtylanǵan boljamdar boıynsha saýda kólemi 7 paıyzǵa, kólik qyzmeti 7 paıyzǵa, aqparat jáne baılanys qyzmeti 8 paıyzǵa ósedi.
