Bıyl 8 sýdıa jumystan shyǵaryldy - QR Joǵarǵy soty
ASTANA. 13 maýsym. QazAqparat - Jyl basynan beri Qazaqstanda 8 sýdıa jumystan bosatyldy. Bul týraly búgingi baspasóz máslıhatynda QR Joǵarǵy sotynyń sýdıasy, Sot alqasynyń tóraǵasy Morıak Shegenov málim etti.
«Maýsymnyń 1-inen bastap Sot alqasy óz jumysyna kiristi. Osy ýaqytqa deıin onyń eki otyrysy ótip, onda 34 sýdıaǵa qatysty materıaldar qaraldy. Olardyń ishinde 8 sýdıaǵa qatysty tártiptik jazaǵa qoldanylyp, olardy jumystan shyǵarý týraly sheshim shyǵaryldy», - deıdi M.Shegenov.
Onyń aıtýynsha, taǵy bes sýdıaǵa sógis jarııalandy. Al qalǵan 21 sýdıanyń isi boıynsha otstavkaǵa jiberý máselesi qaraldy.
