Bıyl 8 myńǵa jýyq úleskerdiń máselesi sheshiledi - elorda ákimi

NUR-SULTAN. QazAqparat - Bıyl 20 turǵyn úı̆ kesheni paı̆dalanýǵa berilip, 8 myńǵa jýyq úleskerdiń máselesi sheshiledi, dep habarlaıdy elorda ákimdiginiń resmı saıty.

Búgin elorda ákimi Altaı Kólginov «Garant», «Zere-1», «Jeti jol» turǵyn úı̆ keshenderiniń qurylys barysymen tanysty.

«Garant» turǵyn úı̆ kesheni men ótken jyldyń jazynda alǵash barǵan nysan. Úı̆ qurylysyn aıaqtap, ony osy kúzde paı̆dalanýǵa beremiz. Bul turǵyn úı̆ kesheninde shamamen 170 úlesker bar», – dep jazdy Altaı Kólginov óziniń áleýmettik jelidegi paraqshasynda.

Sondaı-aq, «Jeti jol» jáne «Zere-1» úı̆leri 2015-2016 jyldardan beri problemalyq qurylys sanatynda ekenin atap ótti. «Zere-1» qatysty eskertýler bar. Olar boı̆ynsha jumystaný qajet. Bıyl 20 kóppáterli turǵyn úı̆ keshenin paı̆dalanýǵa berýdi josparlap otyrmyz. Bul 8 myńǵa jýyq úleskerdiń máselesin sheshýge kómektesedi», – dedi Nur-Sultan ákimi.