Bıyl 8 myń qyzylordalyq jer telimin alady
QYZYLORDA. QazAqparat-Qyzylorda oblysynda jer telimin alyp, baspana salǵandardyń sany jyl sanap kóbeıip keledi. Oblystyq jer qatynastary basqarmasy mamandarynyń dereginshe, bıyl 8 myń qyzylordalyq memleketten tegin jer telimin alady, dep habarlady QazAqparat.
Qazir oblysta jeke turǵyn úı qurylysy úshin jer telimin alýǵa 110 526 ótinish berilgen, onyń 27 477-i qanaǵattandyrylsa, qalǵan 83 049-y arnaıy kezekke qoıylǵan. Eń kóp ótinish Qyzylorda qalasynda berilgen - 53203, Shıeli aýdanynda - 7327, Qazaly aýdanynda - 6094, Qarmaqshy aýdanynda - 5824, Aral aýdanynda - 4243, Jańaqorǵan aýdanynda - 3390, Jalaǵash aýdanynda - 2161 jáne Syrdarııa aýdanynda 807 adam jeke baspana salýǵa nıet bildirgen.
Bıyl úlestiriletin jer ýchaskeleriniń 4491-i oblys ortalyǵyna tıesili, aýdandar boıynsha 3648 ýchaske berilýi tıis.
