Bıyl 8,1 mln. gektar jerge bıdaı sebiledi
ASTANA. Naýryzdyń 10-y. QazAqparat /Arman Asqarov/ - Bıylǵy kóktemgi egis naýqany barysynda egistik alqaptarynyń 47 paıyzyn qamtý josparlanǵan.
Bul týraly búgin QR Aýyl sharýashylyǵy mınıstrliginde ótken májilis barysynda Eginshilik jáne fıtosanıtarlyq qaýipsizdik departamentiniń dırektory Anna Býts málim etti, dep habarlaıdy QazAqparat.
Onyń aıtýynsha, aǵymdaǵy jyly kóktemgi egis naýqanyna 2 570 dana zamanaýı tehnıka tartylyp, 8,1 mln. gektar jerdi nemese egistik alqaptarynyń 47 paıyzyn qamtý josparlanǵan. Bul kórsetkish ótken jylmen salystyrǵanda, 2 paıyzǵa artyq. «Osy oraıda atap óter jáıt, aǵymdaǵy jyly aýyl sharýashylyǵy tehnıkasyn satyp alý deńgeıi tómen bolmaq. Sondyqtan jergilikti jerlerde qoldanystaǵy tehnıkany jóndep, qajetti qosalqy bólshekterdi satyp alý jumystaryna erekshe kóńil bólgen jón»,- deıdi A.Býts.
Sondaı-aq departament basshysy atap kórsetkendeı, osy ýaqytqa deıin aýyl sharýashylyǵy óndirýshileriniń janar-jaǵar maıǵa degen qajettiligi 29,6 paıyzǵa ótelgen. Ótken jyly bul kórsetkish 38 paıyz shamasynda bolǵan.
