Bıyl 79 myńnan astam oqýshy UBT tapsyrady
ASTANA. QazAqparat - Bıyl ulttyq biryńǵaı testini 79 myńnan astam oqýshy tapsyrady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte elimizdiń Bilim jáne ǵylym mınıstrligi Bilim jáne ǵylym salasyndaǵy baqylaý komıtetiniń tóraǵasy Saıat Núsipov málim etti.
«Jylda UBT tapsyrý-tapsyrmaý balanyń jáne ata-anasynyń quqyǵy. ıAǵnı, eń birinshiden, bul máseleni oqýshynyń ózi sheshedi. Ekinshiden, bıyl 25 sáýirge deıin test tapsyratyn árbir oqýshy UBT pýnktterinde tirkelgen. Bıyl 124 346 bala mektep bitiredi. Sonyń ishinde 84248-i qazaq mektebin, 40062-si orys mektebin aıaqtaıdy. Onyń ishinen UBT-ny 79 myńǵa jýyq bala tapsyrady»,- dedi ol.
Aıta keteıik, UBT 2-15 maýsym aralyǵynda ótkiziledi. Ony ótkizý qaǵıdalaryna birqatar ózgeris engizilgen. Munan bólek, 2015 jyldan bastap kámelettik attestatqa UBT men pán boıynsha jyldyq baǵanyń qorytyndysy boıynsha ortasha arıfmetıkalyq somasyndaǵy quramdyq baǵa qoıylady. Daý týdyratyn jaǵdaıda baǵany dóńgelekteý baǵany kóterý jaǵyna jasalady. Al UBT-nyń formaty ózgermeıdi.
