Bıyl 78 mlrd teńgeniń 7 ınvestıtsııalyq jobasyn júzege asyrý josparlanǵan - Á.Isekeshev

ASTANA. 2016 jyly «zákirlik» ınvestorlardyń qatysýymen jalpy somasy 78 mlrd teńge bolatyn 7 jobany júzege asyrý josparlanyp otyr. QR ınvestıtsııalar jáne damý mınıstri Áset Isekeshev osylaı málim etti, dep habarlaıdy primeminister.kz saıty.

«Bıyl JAC, Hikma, Carmeuse Group, Cremonini, Peugeot, Citroen, IVECO, Tenaris sııaqty birqatar «zákirlik» ınvestorlardyń qatysýymen jalpy quny 78 mlrd teńge bolatyn 7 jobany júzege asyrý josparlanyp otyr», - dedi ol Qazaqstannyń eýropalyq bıznes qaýymdastyǵynyń qatysýymen ótken dóńgelek ústel barysynda.

Mınıstr málimdegendeı, búgingi tańda transulttyq kompanııalardyń qatysýymen taǵy 65 joba ázirlenýde.
«Sońǵy 11 jylda ınvestıtsııalyq klımatty jaqsartyp, maqsatty túrde jasalǵan jumystardyń arqasynda Qazaqstanǵa tikeleı kelgen sheteldik ınvestıtsııa 212 mlrd dollardy qurady. 2010 jyly bastalǵan ındýstrııalandyrý baǵdarlamasy ınvestıtsııany óńdeý sektoryna ózgertýge múmkindik berdi. Sheteldik ınvestıtsııanyń 77%-y óńdeý sektoryna 2005 jyldan bastap baǵdarlamany júzege asyrýǵa jumyldyryldy», - dep málimdedi Á.Isekeshev.