Bıyl 72 myń qazaqstandyq gazǵa qol jetkizedi

ASTANA. QazAqparat - Bıyl 72 myń qazaqstandyq tabıǵı gazǵa qol jetkizedi. Bul týraly QR Energetıka mınıstri Qanat Bozymbaev málim etti.

Mınıstrliktiń keńeıtilgen alqa májilisinde Q. Bozymbaev, eldi gazben qamtamasyz etý jumysy kezeń-kezeńmen júzege asyp jatqandyǵyn atap ótti. Búgingi tańda 8 mıllıon adamnyń úıi gazǵa qosylǵan. Bul - Qazaqstan xalqynyń 46,3 paıyzy.

Byltyr Batys Qazaqstan, Qostanaı, Jambyl, Mańǵystaý, Aqtóbe, Qyzylorda oblystaryndaǵy 50 eldimekenge gaz júrgizildi.

«2017 jyly taǵy 8 eldimekendi gazdandyrý josparlanǵan. Bul shamamen 72 myń turǵyn. Bıyl tuńǵysh ret Taldyqorǵan qalasyna gaz tartylady», - dedi mınıstr.