Bıyl 7 mln jýyq qazaqstandyq el ishinde saıahattaǵan – rekordtyq kórsetkish

ALMATY. QazAqparat – Bıyl 7 mln jýyq qazaqstandyq el ishinde saıahattaǵan, bul – rekordtyq kórsetkish. Mádenıet jáne sport vıtse-mınıstri Erjan Erkinbaev týrızm qaýymdastyǵynyń ókilderimen kezdesý barysynda osyndaı málimet aıtty, dep habarlaıdy QazAqparat tilshisi.

«Resmı derekterge súıener bolsaq, bizdiń elge kelgen bir shetel azamaty 1500-2000 dollar jumsaıdy. Sonymen qatar, búginde ishki týrısterdiń sany 7 mln adamǵa jýyqtap, rekordtyq kórsetkishke jetti», - deıdi ol.

Erjan Erkinbaevtyń aıtýynsha, el ishinde saıahattaýshylar sany jyl sońyna deıin 8 mln jetedi degen boljam bar.

«Syrtqy týrızm de birtindep qalpyna kele bastady. Birinshi jartyjyldyqtyń qorytyndysy boıynsha olardyń sany 2,5 ese artyp, shamamen 300 myń adam boldy», - dedi Mádenıet jáne sport vıtse-mınıstri Erjan Erkinbaev.

Buǵan deıin, ol Andorra, Iran, Qytaı úshin vızasyz rejım engizilgenin aıtqan bolatyn.