Bıyl 67 myń dollardy qoldan jasaǵan on eki fakti anyqtaldy

NUR-SULTAN. QazAqparat – Bıyl jalǵan aqsha jasaý faktileri boıynsha 12 is sotqa jiberildi. Bul týraly QazAqparat Qarjylyq monıtorıng agenttigine silteme jasap habarlaıdy.

Onyń ishinde 7 jaǵdaı Nur-Sultan qalasynda, Batys Qazaqstanda 2 jáne Mańǵystaý oblysynda 2 jaǵdaı, Túrkistan oblysy men Shymkent qalasynda taǵy bir faktiden tirkeldi.

Qabyldanǵan sharalar jalǵan banknottardyń satylýyna jol bermedi. Olardyń jalpy sany 67 myń AQSh dollaryn quraıtyn 1200 danadan asady.

Osylaısha, Nur-Sultan qalasynda jalǵan shetel valıýtasyn saqtaý jáne satýmen aınalysqan tulǵalar ustaldy. Zańsyz aınalymnan jalpy somasy 55 700 AQSh dollar, nomınaly 50 AQSh dollaryn quraıtyn 1114 jalǵan banknot tárkilendi. Tergeý nátıjesi sotqa jiberildi.

Qazaqstan Respýblıkasy Qylmystyq-protsessýaldyq kodeksiniń 201-babyna sáıkes ózge málimetter jarııa etilmeıdi.