Bıyl 650-den astam mańǵystaýlyq Otan aldyndaǵy boryshyn óteıdi

AQTAÝ. QazAqparat - Kúzgi áskerge shaqyrý naýqany boıynsha Mańǵystaýdan 18-27 jas aralyǵyndaǵy 650-den astam azamat áskerge attanady, dep habarlaıdy QazAqparat tilshisi.

Bul týraly qoǵamdyq kommýnıkatsııa ortalyǵynda ótken brıfıngide Mańǵystaý oblysy qorǵanys isteri jónindegi departamentiniń bastyǵy Maqsat Tastanov málim etti.

«Azamattardy merzimdi áskerı qyzmetke shaqyrý qoldanystaǵy zańnamaǵa sáıkes júzege asyrylady. Kúzgi áskerge shaqyrý naýqany boıynsha 650-den astam mańǵystaýlyq otan aldyndaǵy boryshyn óteıdi. Eldegi epıdemıologııalyq jaǵdaıdyń jaqsarýyna baılanysty áskerı qyzmetke shaqyrý merzimi dástúrli formatqa oraldy. Degenmen áskerge shaqyrylǵan ár azamat PTR testin tapsyrady»,-dedi Maqsat Tastanov.

Maqsat Tastanovtyń aıtýynsha, jyl saıyn áskerge attanýǵa úmit bildirgen jastardyń sany artyp keledi.

Máselen ótken jyly kúz mezgilinde 1100-ge jýyq sarbaz áskerge attanǵan.

Bıyl nıet bildirýshilerdiń sany 1200-den asqan.

Aıta keteıik, sarbazdardy ásker qataryna qabyldaý kezinde tártibine, densaýlyǵyna basa nazar aýdarylady.

Merzimdi áskerı qyzmetke shaqyrý jeltoqsan aıynyń sońyna deıin júrgiziledi.