Bıyl 6 mıllıonǵa jýyq qazaqstandyq KVI-ge qarsy vaktsına qabyldaıdy
«Qazaqstanda jeke vaktsına ázirleýshiler, sondaı-aq vaktsına óndirýge arnalǵan oqshaýlanǵan alań bar - bul vaktsınamen qamtamasyz etýge baılanysty táýekelderdi barynsha azaıtý jáne respýblıkamyzdaǵy epıdemıologııalyq ahýaldy turaqtandyrýǵa aıtarlyqtaı áser etedi. Osylaısha, 2021 jyly biz 6 mln astam adamdy egýdi josparlap otyrmyz», - dedi Alekseı Tsoı.
Sonymen qatar, mınıstr reseılik «Spýtnık V» vaktsınasy rekordtyq merzimde satyp alynǵanyn eske saldy. Búginde ol Qaraǵandy farmatsevtıkalyq kesheniniń bazasynda óndirilýde.
«Otandyq taýardy jetkizý bekitilgen kestege sáıkes – bıyl 24 aqpanda bastaldy. Sonymen qatar, bıyl sáýir aıynda QR BǴM Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýty ázirlegen – otandyq «QazCovid-in» vaktsınasyn qoldaný josparlanǵan», - dedi ol.
Onyń aıtýynsha, Densaýlyq saqtaý mınıstrligi profılaktıkalyq egýge arnalǵan vaktsınany tasymaldaldaǵanda salqyn jerde saqtaý máseleleri boıynsha standartty operatsııalyq rásimderdi ázirledi jáne bekitti. 2 myńnan astam medıtsına qyzmetkerleri KVI-ge qarsy vaktsınatsııa taktıkasy, vaktsınatsııanyń qaýipsizdigi men tıimdiligin qamtamasyz etý boıynsha oqytyldy.