Bıyl 6 qazaqstandyq mýzeı-qoryq memlekettik kásiporyn nysanyna aınalady

ASTANA. QazAqparat - Bıyl 6 qazaqstandyq mýzeı-qoryq memlekettik kásiporyn nysanyna aınalady.

Bul týraly búgin QR Prezıdenti janyndaǵy OKQ-degi baspasóz máslıhatynda QR MSM Mádenıet jáne óner isteri departamenti dırektorynyń orynbasary Kúmis Seıitova málim etti.

«Aǵymdaǵy jyly respýbılkalyq mańyzy bar 6 mýzeı-qoryq memlekettik kásiporyn nysanyndaǵy memlekettik mekemege aınalatyn bolady. Bul olarǵa ózderiniń qyzmetterin keńeıtýge jáne aldaryna qoıylǵan mindetterdi sheshýge múmkindik berý úshin jasalyp otyr», - dedi ol.

Onyń atap ótýinshe, qazirgi ýaqytta olardyń qyzmetine qatysty birqatar problemalar týyndap otyr.

«Qazaqstan mýzeıler qoryn esepke alý jáne saqtaý boıynsha nusqaýlyqtyń bolmaýy saldarynan respýblıkalyq mýzeıler keńestik kezeńdegi nemese ózderi ázirlegen nusqaýlyqty paıdalanyp kelgen bolatyn», - dedi K.Seıitova.