Bıyl 52 densaýlyq saqtaý nysanynyń qurylysy aıaqtalady - Dúısenova

ASTANA. QazAqparat - Bıyl 52 densaýlyq saqtaý nysanynyń qurylysy aıaqtalady. Bul týraly búgin QR Úkimeti otyrysynda elimizdiń Densaýlyq saqtaý jáne áleýmettik damý mınıstri Tamara Dúısenova málim etti.

Onyń aıtýynsha, qazirgi ýaqytta respýblıka boıynsha jalpy quny 88 mlrd teńgeniń 98 densaýlyq saqtaý kesheni salynyp jatyr. Onyń 53-i respýblıkalyq bıýdjetten, 45-i jergilikti bıýdjetten qarjylandyrýda.

«Bıyl 76 nysannyń qurylysyn aıaqtaý josparlanǵan. Onyń ishinde búgingi kúni 24 nysan, ıaǵnı 1 aýrýhana, 3 emhana jáne 20 dárigerlik-ambýlatorııalyq feldsherlik-akýsherlik pýnkttiń qurylysy aıaqtalyp, pıdalanýǵa berildi», - dedi ol.

Sondaı-aq mınıstr jyldyń sońyna deıin taǵy da 52 nysan aıaqtalýy tıis ekendigin aıtty.

«Olardyń  ishinde 3 aýrýhana, 5 emhana jáne 44 dárigerlik-ambýlatorııalyq feldsherlik-akýsherlik pýnkt bar», - dedi T.Dúısenova.