Bıyl 500 myńǵa jýyq qazaqstandyq jalpyǵa birdeı deklaratsııa tapsyrady

NUR-SULTAN. QazAqparat – 2021 jyly Qazaqstanda jalpyǵa birdeı deklaratsııalaýmen jartty mıllıonǵa jýyq adam qamtylýy múmkin, dep habarlaıdy QazAqparat tilshisi Finprom.kz. portalyna silteme jasap.

Aıta keteıik, 2025 jyly óziniń tabysy jaıynda eldiń barsha halqy esep beretin bolady.

Bıyldan bastap Qazaqstanda kiris pen múlikti jalpyǵa birdeı deklaratsııalaý kezeń-kezeńmen engiziledi.

El azamattary aktıvteri men mindettemeleri týraly aqparat beredi, onda menshik ıeligindegi múlik kórsetiledi.

Jalpyǵa birdeı deklaratsııanyń basty maqsaty – kóleńkeli ekonomıkamen kúres, sybaılas jemqorlyqqa qarsy quraldy qalyptastyrý. Halyqaradyq tájirıbede kiris pen múlikti deklaratsııalaý birqatar memlekette iske asyrylyp keledi.