Bıyl 5,5 myń alaıaq óz jazasyn aldy
ASTANA. QazAqparat - Ótken jyldyń sáıkes merzimimen salystyrǵanda qarasha aıyndaǵy derekter boıynsha tirkelgen alaıaqtyq áreketter sany 18 paıyzǵa azaıdy. Atap aıtqanda, byltyr 32 295 fakti oryn alsa, bıyl 26 469 fakti tirkelip otyr, dep habarlaıdy QazAqparat.
QR ІІM baspasóz qyzmetiniń málimetinshe, jyl basynan beri jaýapkershilikke 5,6 myńnan astam alaıaq jaýapqa tartyldy, 3,5 myńnan astam is boıynsha tergeý júrgizilýde. Alaıaqtyq qylmystardy ashý kórsetkishi 56,3 paıyzdan 62 paıyzǵa deıin jaqsardy.
Alaıaqtyq qylmystar ártúrli joldarmen, onyń ishinde keıin qaıtarmaý maqsatynda qaryzǵa aqsha alý jáne oryndamaıtyn kelisimsharttar jasasý, jalǵan nesıeler resimdeý, jalǵan «utystarǵa» tólem retinde aqsha aýdartý jáne basqa da alaıaqtyq áreketter iske asyrylady.
«Alaıaqtarǵa qurban bolmaý úshin qymbat turatyn múlikti (jyljymaıtyn jáne jyljymaly múlik) op-ońaı ıelenýdi usynatyn kez kelgen aqparatty qaıtalap tekserý mańyzdy. Múlik ıelený quqyǵyna qatysty barlyq máselelerde azamattyq, azamattyq-protsestik zańnamanyń talaptaryna sáıkes jáne notarıattyq quqyqqa sáıkes, zańdy túrde resimdeý qajet»,-deıdi vedomstvo ókilderi.
