Bıyl 5,1 mln. gektar egis alqabyna zııandy jándikterdiń taralý qaýpi bar

Bul týraly búgin QR Aýyl sharýashylyǵy mınıstrliginiń alqa májilisinde kóktemgi egistikke daıyndyq jumystary boıynsha esep bergen Jer sharýashylyǵy jáne fıtosanıtarlyq qaýipsizdik departamentiniń dırektory Anna Býts aıtty.

Onyń málimeti boıynsha bıyl 1,9 mln. gektar jerge shegirtke taralady degen boljam bar. «Osy jáne basqa da zııandy jándiktermen kúresý maqsatynda respýblıkalyq bıýdjetten 3,2 mlrd. teńge bólinip otyr», - deıdi A.Býts. Onyń aıtýynsha, ol aqshaǵa hımııalyq tazalaý jumystarymen egistik alqaptarynyń tek 3,5 mln. gektary ǵana qamtylmaq. Sol sebepti QR Aýyl sharýashylyǵy mınıstrligi bıýdjetten bólinip otyrǵan qarajattyń barlyq aldyn alý sharalaryna jetispeıtindigin eskere otyryp, 5,1 mln. gektar egistik alqaptarynyń qalǵan bóligin fermerlerdiń óz aqshasyna hımııalyq jolmen tazalaýdy usynyp otyr.