Bıyl 494,3 myńnan astam adamǵa ataýly áleýmettik kómek kórsetildi

ASTANA. QazAqparat - 1 mamyrdaǵy jaǵdaı boıynsha 94,2 myń otbasyndaǵy 494,3 myń adamǵa ataýly áleýmettik kómek (AÁK) taǵaıyndaldy. Bıyl osy maqsatqa bıýdjetten 73,9 mlrd teńge bólindi, dep habarlaıdy QazAqparat.

AÁK otbasynyń árbir múshesine, jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

«Osy jyldyń 1 qańtarynan bastap 1 jas pen 6 jastaǵy balalarǵa arnalǵan kepildendirilgen áleýmettik toptama kómektiń zattaı túrinen, monetızatsııalaý formatyna, ıaǵnı 1,5 AEK mólsherinde (2023 jyl – 5175 teńge) qosymsha aqshalaı tólem túrine aýystyryldy.

2023 jylǵy 1 mamyrdaǵy jaǵdaı boıynsha AÁK alýshylar qataryndaǵy 1 jastan 6 jasqa deıingi balalardy qosa alǵanda – 150,8 myń balaǵa qosymsha tólem taǵaıyndaldy», - dep jazdy Eńbek jáne halyqty áleýmettik qorǵaý mınıstrliginen.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, aýyl okrýginiń ákimine sondaı-aq egov.kz elektrondyq úkimet portaly arqyly bere alady.