Bıyl 4000 qazaqstandyq qajy atanady

ASTANA. QazAqparat – Bıyl 4000 qazaqstandyq qajylyq saparǵa attandy. Bul týraly Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Jibek Joly telearnasynyń «Erkin suhbat» jobasynda málim etti, dep habarlaıdy QazAqparat tilshisi.

«Bıyl, 4000 otandasymyz qajyly saparǵa attandy. Ózim de, Alla qalasa, qajylyqqa barýǵa nıet qylyp otyrmyn. 18 týrıstik fırma osy ispen aınalysyp jatyr. Osy 4000 otandasymyzdyń qajylyqqa aman baryp, aman oralýyn násip etsin», - dedi QMDB tóraǵasy.

Sondaı-aq, bas múftı Qurban aıt kezinde mal baǵasynyń qymbattaıtyny týraly paıymyn aıtty.

«Qurban aıt kúni maldy satýshy adam da alýshyǵa qıyndyq jasamaı, barynsha qoldaý bildirse, onyń berekesi bolady. Sondyqtan qurbandyq kezinde mal saýdasynda júrgen adamdarǵa barynsha saýap alyp qalýǵa tyrysyńyzdar dep aıtar edim. Satýshy adam da shalynǵan qurbandyqtyń saýabyna serik bola alady. Qazaqstan musylmandary dinı basqarmasy osy jyldy Islam jáne izgi qoǵam jyly dep jarııalady. Sondyqtan bárimiz ózimizdi izgilikke tárbıelesek der edim. Mal satýshy adam, maldy satyp alýshy adam, qurban shalýshy adam, qurbandyqqa etin beretin adam, tipti etti qurbandyqtan alatyn adamdar da izgilikti ustansa jón», - dedi Naýryzbaı qajy Taǵanuly.

Suhbattyń jazbasha nusqasyn myna jerden kórýge bolady.