Bıyl 35 stýdent jataqhanasy paıdalanýǵa beriledi

NUR-SULTAN. QazAqparat - Premer-Mınıstrdiń orynbasary Eraly Toǵjanovtyń tóraǵalyǵymen ótken Úkimettik jıynda stýdentterge arnalǵan jataqhanalardy salý barysy talqylandy. Bul týraly QazAqparat Ǵylym jáne joǵary bilim mınıstrligine silteme jasap habarlaıdy.

«Ǵylym jáne joǵary bilim mınıstrligi oblys basshylarymen jáne Nur-Cultan, Almaty, Shymkent qalasy ákimderimen birlese 10-tamyzǵa deıin stýdenttik jataqhanalardaǵy oryndarǵa tapsyrysty ázirlep, bekitýi, sondaı-aq, Densaýlyq saqtaý mınıstrligimen birlese bilim nysandaryna qoıylatyn Sanıtarlyq-epıdemıologııalyq talaptarǵa ózgeris engizýi qajet,- dedi Eraly Toǵjanov.

Osyǵan oraı Ǵylym jáne joǵary bilim mınıstri Saıasat Nurbek Joǵarǵy oqý oryndary rektorlaryna barlyq jataqhanalarǵa revızııa júrgizip, tósek oryn sanyn ulǵaıtý joldaryn qarastyrýdy tapsyrdy. Bul shara qazirgi ahýaldy anyqtap, stýdentterge ýaqytsha turǵyn úı salý josparlaryna túzetýler engizýge múmkindik beredi. Mınıstr sondaı-aq ýnıversıtetterge jaqyn ornalasqan jataqhanalar men qonaqúıler (hostelder) arasynda memorandým jasaý tájirıbesin keńinen qoldaný qajettigin de atap ótti.

Jıynda memlekettik-jekemenshik áriptestik aıasynda jataqhana salý jobalaryndaǵy qaǵazbastylyqty joıý máseleleri de talqylandy.

Aıta ketý kerek, 2022 jyly 10 000 orynǵa arnalǵan 35 jataqhanany iske qosý josparlanýda. Tapsyrma oryndala bastalǵaly (2018 – 2021 jj) 30 630 oryndyq 124 nysan iske qosyldy onyn ishinde 2021 jyly 10 364 oryndyq 49 ǵımarat paıdalanýǵa berildi.

Foto: gadgetshelp.com