Bıyl 34 myń orynǵa arnalǵan 322 balabaqsha ashylady
«Bilimdi ult» sapaly bilim berý ulttyq jobasyn iske asyrý boıynsha jumys júrgizilýde. Balabaqsha, mektep, kolledj jáne qosymsha bilim deńgeıleri boıynsha 12 kórsetkishke qol jetkizý jáne 20 is-shara oryndaý qarastyrylǵan. Byltyrǵy is-sharalar 100 paıyz oryndaldy. 10 kórsetkishtiń 9-yna 100 paıyz qol jetkizildi. Osy jyldyń alty aıy boıynsha da jumys josparǵa sáıkes júrgizilýde», - dedi mınıstr.
Onyń dereginshe, byltyr 534 balabaqsha ashylyp, 47 myń oryn paıdalanýǵa berildi. Nátıjesinde 2-6 jastaǵy balalardy qamtý 88,4 paıyzdy, al 3-6 jastaǵy balalardy qamtý 99 paıyzdy qurady.
«ıAǵnı, respýblıkalyq kórsetkishke qol jetkizildi. Alaıda, alty oblys ózderiniń josparlaryn tolyq oryndamady. Mysaly, byltyr Almaty oblysynda balabaqshalarda 14 myńnan astam oryn, al Almaty qalasynda bes myńnan astam oryn ashylsa, al osy oblysqa uqsas, adam kóp shoǵyrlanǵan Túrkistan jáne Qyzylorda oblystarynda tek bir myńǵa jýyq oryn ǵana paıdalanýǵa berilgen. Bul jetkiliksiz. Basqa oblystardyń jospardan tys qosymsha oryn ashýynyń, mysaly Shymkent qalasynyń 170 paıyzǵa, Jambyl oblysynyń 120 paıyzǵa oryndaýynyń arqasynda respýblıkalyq kórsetkishke 100 paıyz qol jetkizdik. Osy jyldyń sońyna deıin 34 myń orynǵa arnalǵan 322 balabaqshany ashý josparlaýda. Alǵashqy alty aıdyń qorytyndysynda 12 900 orynǵa 140 balabaqsha ashyldy. Ákimdikterden osy baǵyttaǵy jumysty belsendi júrgizýdi suraımyn», - dedi Ashat Aımaǵambetov.
