Bıyl 32 jýrnalıstiń ómirine qaýip tóngen - «Qadyr qasıet» birlestigi
ASTANA. 4 maýsym. QazAqparat - Sońǵy bes aıdyń ishinde Qazaqstanda 150-ge jýyq quqyq qorǵaýshynyń ómirine qaýip-qater tóndi.
Bul týraly búgin arnaıy zertteý ótkizgen «Qadyr qasıet» qoǵamdyq birlestiginiń tóraıymy Qymbat Zkrına málim etti.
Zertteýge sáıkes, óz qyzmeti kezinde kásipodaq ókilderi (49 adam) jıi zardap shekken. Odan keıin qoǵam qaıratkerleri (33 adam), jýrnalıster (32 adam), saıası qaıratkerler (19 adam), quqyq qorǵaýshylar (8 adam), advokattar (6 adam) jáne din qaıratkerleri (2 adam) keledi. «Biz qaýip-qaterdiń 53 túrin anyqtadyq. Quqyq qorǵaýshylardy, kóbinese, ákimshilik hattamamen ustap jatady. Osy ýaqytqa deıin 4 quqyq qorǵaýshy bostandyqqa shyǵyp, ótken aıda taǵy eki belsendige qatysty ákimshilik jazadan bosatyldy. Mamyrdan bastap biz jańa jobany qolǵa aldyq. Ony aıasynda «Qadyr qasıet» uıymy eki jyl boıy quqyq qorǵaýshylarǵa zańdy kómek kórsetetin bolady», - deıdi Q.Zkrına.
