Bıyl 318 qaýipti óndiris oshaǵy jumysyn toqtatty - Tólegen Ospanqulov
Bul týraly QR Bas memlekettik eńbek ınspektory Tólegen Ospanqulov ortalyq kommýnıkatsııalar qyzmetinde ótken brıfıngide málim etti.
«Elimizdiń 2,7 myńnan astam kásiporny Eńbek qaýipsizdigi jáne eńbekti qorǵaý standarttaryn engizdi. Respýblıka kásiporyndarynda 15 myń óndiristik keńes jumys isteıdi. 2020 jyly tehnıkalyq ınspektorlar eńbek jaǵdaılary boıynsha 64 039 tekserý júrgizdi. Onyń barysynda 118 912 buzýshylyq anyqtaldy. Onyń ishinde qaýipsiz eńbek jaǵdaılaryn qamtamasyz etý máseleleri boıynsha – 42 704 is tirkeldi. Uıymda eńbek jaǵdaılary men qaýipsizdigin jaqsartýǵa baǵyttalǵan 34 434 usynys berilip, 318 jabdyq, mashına, jumys oryndary men óndiristik tsehtardyń jumysy toqtatyldy», - dedi Tólegen Ospanqulov.
Onyń sózine qaraǵanda, atalmysh óndiristik keńester tıimdi ekenin kórsetken.
«Olar anyqtaǵan buzýshylyqtardy joıý nátıjesi óndiristik jaraqattanýdy boldyrmaýǵa jáne qaýipsiz eńbek jaǵdaılaryn jasaýǵa yqpal etti», - dedi Bas memlekettik eńbek ınspektory.