Bıyl 30-dan astam turǵyn úı kesheniniń qurylysyn aıaqtaımyz – Astana ákimi

ASTANA. QazAqparat - Jyldar boıy qurylysy toqtap turǵan nysandy aıaqtadyq. «Turan Syǵanaq» turǵyn úı kesheniniń qurylysy sonaý 2014 jyly bastalǵan. Úleskerler 9 jyldan keıin baryp baspanasynyń kiltin aldy, dep habarlaıdy QazAqparat.

Bul týraly búgin óziniń Facebook paraqshasynda AStana ákimi Jeńis Qasymbek jazdy, dep habarlaıdy QazAqparat.

Onyń sózinshe, nysan qabyldanǵan kezde keıbir bloktarynyń qurylysy tipti bastalmaǵan da edi. Úlken júıeli jumys júrgizildi.

«Elorda kúni qarsańynda 330-dan astam úlesker otbasynyń problemasyn sheshtik! Munda «Turan Syǵanaq» turǵyn úı kesheniniń turǵyndarynan bólek qurylysy uzaqqa sozylǵan ózge de nysandardyń úleskerleri baspanaly boldy.

Bıyl qurylysy uzaqqa sozylǵan 30-dan astam turǵyn úı keshenin aıaqtaımyz. Ár úıdiń ózine tán kúrdeli tarıhy bar, degenmen árqaısysy boıynsha is-sharalar jospary bar. Osylaısha, 4 myńǵa jýyq úlesker-otbasynyń problemasyn sheshemiz»,-dedi ákim.