Bıyl 3-6 jastaǵy balalardy balabaqshamen qamtý 99,3 paıyzǵa jetkiziledi
«Prezıdenttiń 2022 jyldy Balalar jyly dep jarııalaýy týraly Jarlyǵynyń negizinde Úkimet qaýlysymen is-sharalar jospary qabyldandy. Jospar 7 baǵyt boıynsha 66 is-sharany qamtıdy. Sondaı-aq, óńirlik, aýdandyq jáne qalalyq josparlar qabyldandy. Jumysty uıymdastyrý úshin ákimdiktermen jáne basqa mınıstrliktermen birge jedel shtabtar quryldy. Nusqaýlyq-ádisteme ázirlenip, jetkizildi. Spıkerler pýly 5 aıda buqaralyq aqparattarda, áleýmettik jelilerde 18 myńnan astam jarııalanym ornalastyrdy», - dedi ol.
Vıtse-mınıstrdiń atap ótýinshe, 17 300 óńirlik is-sharalarǵa 2,5 mln asa bala qatysty. Onyń ishinde 700 myńnan astam bala jekelegen sanattaǵylar. Jalpy, balalar jylyn iske asyrýǵa 12 ortalyq, 17 jergilikti organ, 130 úkimettik emes, 20 myńnan asa oqý uıymdary qatysýda.
«Mektep jasyna deıingi balalar úshin 34 myńnan asa orynǵa 322 balabaqsha ashylady. 5 aıda onyń 9,4 myń orynǵa 130-y ashyldy. Jyl sońyna deıin 3-6 jastaǵy balalardy balabaqshamen qamtý 99,3 paıyzǵa jetkiziletin bolady. Jekemenshik balabaqshalalarda oryn alǵan keleńsizdikterge jol bermeý úshin qaýipsizdik sharalaryn kúsheıtemiz. Biliktiligi sáıkes mamandarmen qamtamasyz etý, sondaı-aq beınebaqylaý, jıhazben jabdyqtaý talaptarynyń oryndalýyn qadaǵalap, memlekettik tapsyrystyń sapasyn vaýcherlik mehanızm arqyly jaqsartamyz. 15 myńnan asa tárbıeshi jańa model boıynsha tıisti kýrstardan ótýde,olar tárbıeleý sapasyn jaqsartady. Ashyqtyqty qamtamasyz etý úshin kezektiliktiń biryńǵaı bazasyn qurý jumysy júrgizilip jatyr. Jańa oqý jylyna Úzdik balabaqshalar negizinde 34 quzyrettilik ortalyǵy ashylady», - dedi Sholpan Karınova.
