Bıyl 3,5 mlrd kVt/saǵat jańartylatyn energııa óndiriledi

NUR-SULTAN. QazAqparat – Bıyl jańartylǵan energııa kózderi salasynda 23 joba iske asyrylady. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Elektr energetıkasyn damytý boıynsha 2020 jylǵy 7 jeltoqsanda qabyldanǵan manevrlik generatsııa qurylysyn yntalandyrý jónindegi zań normalaryn iske asyrý maqsatynda mınıstrlik bıyl Qyzylorda, Túrkistan jáne Almaty oblystarynda aýktsıondyq saýda-sattyq tetigin qoldaný arqyly 3 jobany irikteıdi. Bul tetik manevrlik generatsııa qurylysyna serpin berýge jáne tutynýshylar úshin baǵalarǵa eń az áser etetin neǵurlym tıimdi jobalardy tańdaýǵa múmkindik beredi. Shamamen 870 mln AQSh dollary somasyna ınvestorlardy irikteý kútiledi»,- dedi mınıstr.

Onyń atap ótýinshe, jańartylǵan energııa kózderi salasynda bıyl jalpy qýaty 381 MVt bolatyn 23 joba iske asyrylyp, shamamen 370 mln dollar ınvestıtsııa tartý josparlanǵan.

«Bıyl shamamen 3,5 mlrd kVt/saǵat jańartylatyn energııa óndirý josparlanyp otyr», - dedi Nurlan Noǵaev.