Bıyl 28 qarjy pıramıdasyn uıymdastyrýshylarǵa qatysty 33 qylmystyq is tirkeldi

NUR-SULTAN. QazAqparat - Qarjylyq monıtorıng agenttigi qarjy pıramıdalaryna qatysty jumys tásilderin jetildirýde, dep habarlaıdy QazAqparat.

Atap aıtqanda, analıtıkalyq quraldardy keńinen qoldaný arqyly «jazalaýshy» postfaktorlyq ádisten profılaktıkalyq ádiske kóshý júzege asyryldy. Sonymen qatar q oldanystaǵy zańnamaǵa qarjy pıramıdalaryn jarnamalaǵany úshin qylmystyq jaýapkershilik engizildi. Qarjy pıramıdalarynyń qyzmetin jarnamalaıtyn saıttardy buǵattaýdyń tetigi ázirlendi.

«Qabyldanǵan sharalardyń arqasynda 3 myńnan astam osyndaı saıttar buǵattaýǵa jiberildi. Bıyl barlyǵy 28 qarjy pıramıdasyn uıymdastyrýshylarǵa qatysty Qylmystyq kodekstiń 217-baby boıynsha 33 qylmystyq is tirkelgen», - dep jazdy vedomstvodan.

Sot 7 qylmystyq isti qarady, olar boıynsha 11 adam sottaldy, onyń ishinde 1-eýi shet memlekettiń (Ýkraına) azamaty.

«Barlyq tulǵalarǵa naqty merzimge – 3 jyldan 6 jyl 8 aıǵa deıin bas bostandyǵynan aıyrý jazasy taǵaıyndaldy. Bul rette 7 adam 5 jylǵa bas bostandyǵynan aıyryldy.

QMA azamattardy asa saq bolýǵa jáne olardy qarjylyq pıramıdalarǵa tartatyn alaıaqtardyń aıla-amalyna túspeýge shaqyrady», - delingen habarlamada.