Bıyl 265 myń bala mektep tabaldyryǵyn alǵash attaıdy - M. Orynhanov
ASTANA. 26 tamyz. QazAqparat - 1 qyrkúıekte 2,5 mln oqýshy úshin 7 myń 398 mektep óz esikterin ashady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Bilim jáne ǵylym vıtse-mınıstri Murat Orynhanov málim etti.
«Atap aıtqanda, oqýshylar sany jyl sanap artyp keledi. Bıyl birinshi synypqa 265 myń bala barady»,-dedi vıtse-mınıstr.
Aıta keteıik, aldaǵy oqý jylynyń ereksheligi - birinshi synyptan bastap shet tilin engizý, sondaı-aq qanatqaqty joba retinde jan basyna shaqqandaǵy qarjylandyrý júıesin iske qosý qamtylǵan. Munymen qosa, Abaıtaný, Alashtaný jáne basqa da jańa pánder eskerilgen.
