Bıyl 260 tsıfrlyq maınıng uıymy óz qyzmetin bastady – mınıstrlik

ASTANA. QazAqparat – Byltyr jeltoqsanda tsıfrlyq maınıng salasynda jumys isteıitn 65 uıym óz qyzmeti týraly esep usynǵan. Bul týraly QazAqparat tilshisi Tsıfrlyq damý, ınnovatsııalar jáne aeroǵarysh ónerkásibi mınıstrliginiń resmı saıtyna silteme jasap habarlaıdy.

«Bıyl 31 naýryzdaǵy jaǵdaı boıynsha 260 uıym tsıfrlyq maınıng salasyndaǵy qyzmettiń bastalǵany týraly jáne 59 uıym tsıfrlyq maınıng óndirisine arnalǵan ınfraqurylymdy usyný týraly resmı túrde mınıstrlikti habardar etti. Sondaı-aq 65 uıym 2022 jyldyń 4 toqsany boıynsha toqsandyq aqparatty jiberdi», - delingen vedomstvonyń esebinde.

Óziniń qyzmeti týraly esep usynǵan maınıngilik kompanııalardyń tolyq tizimin myna silteme boıynsha ótip, kórýge bolady.

Eske sala keteıik, qańtar aıynda Senat «Qazaqstan Respýblıkasyndaǵy tsıfrlyq aktıvter týraly» Zańy men oǵan ilespe qujattardy maquldaǵan bolatyn.

Sonymen qatar taıaýda Tsıfrlyq damý mınıstrligine aktıvter men maınıng salasyn retteý quzyreti beriletini málim boldy.