Bıyl 240 MVt qosymsha elektr qýaty iske qosylady - mınıstr
«Elektr energııasy qýattaryn iske qosýdy jáne Birtutas elektr energetıkasy júıesiniń Ońtústik jáne Batys aımaqtaryndaǵy elektr jelilerin kúsheıtý jónindegi jobalardy ýaqtyly iske asyrýdy qamtamasyz etý tapsyryldy. Búgingi tańda 340 MVt elektr qýaty iske qosyldy. Osy jyldyń sońyna deıin qosymsha 240 MVt elektr qýatyn engizý josparlanýda», - dedi mınıstr Ortalyq kommýnıkatsııalar qyzmetindegi baspasóz máslıhatynda.
Bolat Aqsholaqtyń aıtýynsha, ulttyq elektr jelisin jańǵyrtý jumystary júrgizilip jatyr. Onyń ishinde Batys energııa aımaǵynyń elektr jelilerin kúsheıtý boıynsha qurylys-montajdaý jumystary qolǵa alynǵan. Jumystar keler jyly aıaqtalady.
«Sonymen qatar Ońtústik energııa aımaǵynyń elektr jelilerin kúsheıtý boıynsha tehnıkalyq-ekonomıkalyq negizdeme ázirlenip jatyr. Tehnıkalyq-ekonomıkalyq negizdeme ázirlengennen keıin jobany iske asyrýdyń parametrleri men merzimderi aıqyndalatyn bolady», - dedi ol.
