Bıyl 23 jańartylatyn energetıka nysany salynady
«Dúnıejúzilik energetıka salasynda jańartylatyn energetıka álemdik trendke aınalýda. Qazaqstanda da jańartylatyn energetıka «jasyl» ekonomıkany damytýdyń lokomotıvi bolyp tabylady. Biz «jasyl» ekonomıka tujyrymdamasynda ózimizge alǵan mindettemelerdi oryndadyq jáne eldiń jalpy energııa teńgerimindegi jańartylatyn energııa úlesin 3 paıyzǵaǵa deıin jetkizdik. 2020 jyldyń qorytyndysy boıynsha jańartylatyn energetıka nysandary óndirgen elektr energııasynyń kólemi 3,15 mlrd kVt saǵatty qurady», - dedi mınıstr.
Onyń dereginshe, 2020 jyly jıyntyq qýaty 583 MVt 25 JEK jobasy iske asyryldy. Sektorǵa 1,5 mlrd dollar kóleminde ınvestıtsııa tartylyp, elimizdiń óńirlerinde 3000-ǵa jýyq ýaqytsha jumys oryndary, sondaı-aq 1310-ǵa jýyq turaqty jumys oryndary quryldy. 298 turaqty jańa jumys oryndary ashyldy.
«2021 jyly qýattylyǵy 391 MVt bolatyn 23 nysandy iske asyrý josparlanyp otyr. Olardyń jalpy ınvestıtsııa kólemi 370 mln dollardy quraıdy», - dedi Nurlan Noǵaev.
