Bıyl 22,7 mln gektar alqapqa aýyl sharýashylyǵy daqyldary egildi

NUR-SULTAN. QazAqparat – Bıyl 22,7 mln gektarǵa aýyl sharýashylyǵy daqyldary egildi. Bul týraly halyqqa esep berý kezdesýinde QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«4 aı ishinde aýyl sharýashylyǵynyń jalpy óniminiń kólemi 3, al azyq-túlik ónimderiniń óndirisi 3,9 paıyzǵa ulǵaıdy. Mal sharýashylyǵynda óndiris kólemi 3,2 paıyzǵa artty. Atap aıtqanda, tiri salmaqta et óndirý 5,3, sút óndirý 3,4 paıyzǵa ósti», - dedi mınıstr.

Onyń atap ótýinshe, ótken jyly elimizde ımportty almastyrý aıasynda 48 jańa taýarly-sút fermasy, 3 et kombınaty jáne et baǵytyndaǵy 8 qus fabrıkasy iske qosyldy.

«Ósimdik sharýashylyǵynda 2021 jylǵy kóktemgi egin egý jumystaryn ýaqtyly júrgizýdi qamtamasyz etý úshin barlyq qajetti sharalar qabyldandy jáne búgingi kúni egin egý jumystary tolyq aıaqtaldy. Bıyl aýyl sharýashylyǵy daqyldary 22,7 mln gektarǵa egildi, bul 2020 jylǵy deńgeıden 78 myń gektarǵa artyq», - dedi Saparhan Omarov.