Bıyl 211 medıtsınalyq nysannyń qurylysy josparlanǵan - Ajar Ǵınııat

NUR-SULTAN. QazAqparat – Búgin Ortalyq kommýnıkatsııalar qyzmetinde QR Densaýlyq saqtaý vıtse-mınıstri Ajar Ǵınııat Qazaqstanda salynatyn medıtsınalyq nysandar týraly aıtty, dep habarlaıdy QazAqparat tilshisi.

«Densaýlyq saqtaý mınıstrligi júıeli túrde halyqtyń densaýlyq kórsetkishin jaqsarý úshin tıisti sharalardy qabyldap jatyr.

Birinshiden, halyqqa medıtsınalyq-sanıtarııalyq alǵashqy kómek (MSAK) erekshe ról atqarady, qazirgi tańda ony 7 myńnan astam MSAK uıymy kórsetip keledi (onyń ishinde 2 991 medıtsınalyq pýnkt, 836 feldsherlik-akýsherlik pýnkt, 1 379 dárigerlik ambýlatorııa jáne 2 182 emhana).

MSAK uıymdarynda shamamen 10 myń dáriger jáne 28 myń orta medıtsınalyq qyzmetker, onyń ishinde 47 paıyzy aýyldyq jerde jumys isteıdi», - vıtse-mınıstr Ortalyq kommýnıkatsııalar qyzmetinde.

Onyń aıtýynsha qabyldanǵan sharalarǵa qaramastan, sheshilýi qajet máseleler bar.

«Osyǵan baılanysty Densaýlyq saqtaý mınıstrligi bıyldyń 25 aqpanynda halyqtyń qalyń tobyna, onyń ishinde aýyldyq jerlerde turatyndarǵa barynsha utqyrlyq pen qoljetimdilik jaǵyna 2021 - 2025 jyldarǵa arnalǵan medıtsınalyq-sanıtarııalyq alǵashqy kómek kórsetýdi jaqsartý jónindegi sharalar josparyn bekitti», - dedi Ajar Ǵınııat.

Onyń sózine qaraǵanda, baǵdarlama aıasynda 5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda, onyń ishinde 83 medıtsınalyq pýnkt, 70 feldsherlik-akýsherlik pýnkt, 57 dárigerlik ambýlatorııa jáne 1 emhana qamtylady.