Bıyl 200 shaqyrym jol kólik qozǵalysy úshin ashylady
NUR-SULTAN. QazAqparat – Bıyl asfaltobeton jabyndysy tóselgen 200 shaqyrym jol kólik qozǵalysy úshin ashylady. Bul týraly «QazAvtoJol» kompanııasynyń bas ınjeneri Talǵat Smaǵulov aıtty, dep habarlaıdy QazAqparat tilshisi.
«Aldymyzda asfaltobeton jabyndysy tóselgen avtojol jobalarynyń basym bóligin jyldyń sońyna deıin kólik qozǵalysy úshin ashý maqsaty tur. Olar shamamen 700 shaqyrymdy quraıdy. Onyń ishinde 200 shaqyrym avtojol kólik qozǵalysy úshin ashylady. Buǵan qosa, kólikter jer jolmen júrip júrgen ýchaskeler, aınalma joldar sanyn qysqartýǵa basa nazar aýdarylyp otyr. Qazirgi ýaqytta qolǵa alynǵan jobalarǵa 5 myńnan astam jumysshy men shamamen 4 myń arnaýly tehnıka jumyldyrylǵan», - dep atap ótti Talǵat Smaǵulov elordada ótken brıfıng barysynda.
Onyń dereginshe, merdiger uıymdar salynyp jatqan joldardyń boıynda shamamen 40 jer qopsytatyn jáne beton aralastyratyn qondyrǵy ornatylǵan. Nysandardyń árqaısysynyń is-sharalar jospary jáne bekitilgen jumys kestesi bar.
