Bıyl 200 mektep 4 tetik boıynsha salynady - Ashat Aımaǵambetov

NUR-SULTAN. QazAqparat - Bıyl 200 mektep 4 tetik boıynsha salynady. Bul týraly Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Infraqurylymdyq máseleler áli de ózekti. Memleket basshysynyń tapsyrmasy aıasynda bıyl 200 mektep 4 tetik boıynsha salynady. Olar: jekeshelik-memlekettik seriktestik, modýldi mektepter salý, jekemenshik mektepter jelisin damytý jáne memlekttik bıýdjetten nysanaly salý», - dedi Ashat Aımaǵambetov.

Onyń atap ótýinshe, 10 aqpanǵa deıin ákimdiktermen birlesip, mektepterdiń qurylysy boıynsha jol kartasy bekitiledi.

«Ákimdikter osy máseleni jeke qarastyryp, tıisti óńirlik josparlaryn ázirlep, bir aptanyń ishinde mınıstrlikke usynýdy suraımyn», - dedi mınıstr.

Eske salaıyq, 26 qańtar kúni ótken Úkimettiń keńeıtilgen otyrysynda Prezıdent Qasym-Jomart Toqaev bıyl 200 jańa mektep salýdy tapsyrǵan bolatyn.