Bıyl 200-ge jýyq eldi meken ortalyqtandyrylǵan aýyzsýǵa qol jetkizedi
«Ótken jyldyń qorytyndysy boıynsha halyqty sýmen qamtý qalalarda 98,4%, aýyldyq eldi mekenderde 94,5% qurady. Jambyl, Qostanaı, SQO jáne Aqmola oblysynda aýyl turǵyndaryn sýmen qamtý kórsetkishi tómen. Al 6 óńir boıynsha qala turǵyndary sýmen 100% qamtylǵan. Olar SQO, Mańǵystaý, Atyraý, Jetisý, BQO jáne Qyzylorda oblysy. Bıyl jyl sońyna deıin 5 qala jáne 192 aýyldyq eldi meken ortalyqtandyrylǵan sýǵa qol jetkizedi. Ol úshin respýblıkalyq bıýdjetten 172 mlrd teńge qarastyrylǵan», - dedi Marat Qarabaev Úkimet otyrysynda.
Mınıstrdiń aıtýynsha, joǵaryda atalǵan sharýany iske asyrýdyń nátıjesinde, aýyl halqynyń 96% al qala halqynyń 98,7 % aýyzsý máselesi sheshiledi.
«Memleket basshysynyń tapsyrmasyna sáıkes, 2025 jyldyń sońyna deıin qala jáne aýyl halqy 100% aýyzsýmen qamtylýy tıis. 2023-2025 jyldary sý máselesin sheshýge qosymsha 525 mlrd teńge qarajat qajet», - deıdi ol.
Buǵan deıin Marat Qarabaev bıyl baspanany jalǵa alyp turýǵa kezekte turǵan 69 200 azamatqa sýbsıdııa beriletini týraly aıtty.
Sonymen qatar vedomstvo basshysy elimizdegi apatty jáne tozyǵy jetken turǵyn úıler máselesin kótergen edi.