Bıyl 20 mıllıon tonna astyq jınalady dep boljanýda - Úkimet basshysy
ASTANA. 11 qazan. QazAqparat - Aǵymdaǵy jyly 20 mıllıon tonna astyq jınalady dep boljanýda.
Búgin Aqordada QR Prezıdenti N. Nazarbaevtyń qatysýymen ótip jatqan elimizdiń ótken 9 aıdaǵy áleýmettik ekonomıkalyq damýy jáne Úkimet jumysynyń negizgi nátıjeleri týraly jıynda QR Premer-Mınıstri Serik Ahmetov osylaı málim etti.
«Úkimet aǵymdaǵy jyly agroónerkásip keshenin damytýdyń 2013-2020 jyldarǵa arnalǵan baǵdarlamasyn júzege asyra bastady. «Agrobıznes-2020» baǵdarlamasy salanyń qarjylyq saýyǵýyn, iri taýarly óndiristi qurýdy, óńdeýshi ónerkásipti damytýdy qarastyrady. Agroónerkásip keshenin memlekettik qoldaýdyń jalpy mólsheri tórt jarym esege artyp, bunyń ózi salaǵa 2020 jylǵa deıin on trıllıonnan teńgeden astam jeke ınvestıtsııany tartýǵa múmkindik beredi», dedi S. Ahmetov.
Úkimet basshysynyń aıtýynsha, Elbasynyń tapsyrmasyna sáıkes, biryńǵaı astyq holdıngin qurý jumystary da oryndalǵan. «Aǵymdaǵy jyly jıyrma mıllıon tonnadan kem bolmaıtyn astyq jınaý kózdeledi», dedi S. Ahmetov.
