Bıyl 2 trln teńgeniń ınvestıtsııalyq jobasy iske asady

ASTANA. QazAqparat – Premer-Mınıstr Álıhan Smaıylov keıingi jyldary elge tartylǵan ınvestıtsııa kólemi qalaı ózgergenin aıtty, dep habarlaıdy QazAqparat tilshisi.

«Byltyr negizgi kapıtalǵa salynǵan ınvestıtsııa naqty mánde 8% ósti. Bul rette shıkizattyq emes sektorǵa tartylǵan ınvestıtsııa úlesi keıingi 5 jylda 50%-dan 70%-ǵa deıin ósti. Shıkizattyq emes sektordaǵy tikeleı sheteldik ınvestıtsııa úlesi 2005-2006 jyldary 20% bolsa, byltyr 52%-ǵa deıin ósti. Óńdeý ónerkásibine ınvestıtsııa ósip otyr. Keıingi 5 jylda onyń kólemi 1,5 ese artty», - dedi ol Parlament palatalarynyń birlesken otyrysynda.

Úkimet basshysy sondaı-aq shıkizattyq emes sektorǵa tartylǵan ınvestıtsııa kólemin arttyrý úshin qandaı sharalar qabyldanyp jatqanyn aıtty.

«Investıtsııalyq jobalar pýlynda 28 trln teńgeniń 870 ınvestıtsııalyq jobasy bar. Onyń ishinde bıyl 2 trln teńgeniń 280 jobasy paıdalanýǵa beriledi. Investıtsııalyq saıasattyń 5 jylǵa arnalǵan tujyrymdamasy qabyldandy. Ol, birinshi kezekte, shıkizattyq emes sektorlardy damytýǵa baǵyttalǵan», - dedi Álıhan Smaıylov.