Bıyl 2 myń shaqyrym ınfraqurylym jelileri jańartylady – Roman Sklıar
Bul týraly Senatta «Tıimdi óńirlik saıasat – elimizdiń ornyqty áleýmettik-ekonomıkalyq damýynyń negizi» taqyrybyndaǵy parlamenttik tyńdaýda Premer-Mınıstrdiń birinshi orynbasary Roman Sklıar málim etti, dep habarlaıdy QazAqparat tilshisi.
«Óńirlerdiń teńgerimdi damýy – ulttyq basymdyqtyń biri. Bazalyq salalar óńirler ekonomıkasynyń qozǵaýshy kúshi bolyp qala beredi. Bul rette aýyl sharýashylyǵy, ónerkásip jáne qurylys, kólik salalary qamtylyp otyr. 2022 jyldyń qorytyndysy boıynsha olar 3,5 paıyzǵa ósti. Ár óńirdiń damýy úshin jasalyp jatqan is-sharalar halyqtyń ál-aýqatyna áser etedi. Halyqtyń byltyrǵy naqty aqshalaı tabysy 2019 jylǵa qaraǵanda 9,8 pýnktige ósti. Eń úlken ósim Soltústik Qazaqstan, Pavlodar, Qostanaı jáne Qaraǵandy oblystarynda tirkeldi», - dedi R. Sklıar.
Onyń atýynsha, 2022 jyly 3 myń shaqyrym jylý, sýmen jabdyqtaý jáne sý burý jelileri jańartyldy. Al bıyl 2 myń shaqyrymǵa jýyq jelini qaıta salý esebinen tozý kórsetkishin 50 paıyzǵa deıin azaıtý josparlanyp otyr. 2029 jylǵa qaraı bul kórsetkish 40 paıyzǵa deıin tómendeıdi.
«Sýmen qamtamasyz etý jelilerimen qalaturǵyndarynyń 98 paıyzy jáne aýyldyń 94 paıyzy qamtylǵan. Bıyl sýmen qamtý qyzmetine 172 mlrd teńge bólindi. Osy oraıda qala turǵyndarynyń 98,7 paıyzy, aýyl turǵyndarynyń 96 paıyzy qamtylady. 2025 jyldyń sońyna deıin halyqty aýyz sýmen qamtý 100 paıyzdy quraıdy», - dedi Úkimet basshysynyń birinshi orynbasary.
